閃眼間

長得標緻的女生, 附帶相關可行使的優勢或者是「著數」, 是平凡人沒有的. 可以說是上天不公平, 但不容否定.

從中學階段起, 靚女的身邊定必圍有一班觀音兵侍候左右, 為她打點一切: 返放學管接管送, 午膳又不愁寂寞. 功課雖多且深, 但有耐性又悉心教導者眾, 而自動送上三兩份供「抄考」者更多. 平日約睇戲食飯唱歌, 過時過節生日送的心思小禮物. 為求搏得紅顏歡心, 出盡法寶, 扭盡六壬.

記得當年生性頑劣的我, 常以作弄他人為樂, 口多且賤. 就算整喊一些女同學, 最多都是被一班平時不多借功課我抄的女同學代為出頭, 討回一個公道而矣. 可是, 當被觸怒的是大家的女神, 找我侮氣的通常會由女生, 變成一班平時跟我出生入死的好兄弟. 我亦深深體會到什麼是「有異性, 無人性」. 此終, 古人留下的智慧, 是有一定的通用性.

筆者多年來有一個謎團, 就是當年「冇乜人吼」的女同學, 在成長階段的心路歷程會是怎麼樣? 是先羨慕而後嫉妒? 會否是因為自己心儀的男同學, 最終都「不幸」成為觀音兵的開路先鋒?

言歸正傳, 靚女的著數還有: 當一大班人就一個話題正興高彩烈地討論時, 眾人女神剛巧經過又忽然插嘴: 「咦? 你地係到傾乜呀?」全場會突然間靜下來兩秒左右, 跟著就會有人很自發又有耐性地, 一五一十慢慢講解所有事情的來龍去脈. 所有「扒女」及「麻甩仔」都沒有此特權.

又舉例, 當大夥兒正在一起玩集體遊戲如: 大富翁, 啤牌等. 如眾人女神突然抿著嘴又半帶嬌嗔說:「Hm…都唔好玩既!」我可以好肯定, 這個GAME 必於十分鐘內落得腰斬下場. 原來一場遊戲的好玩與否, 是由一個人決定.

待續…