閃眼間

從電郵中轉載過來, 一起分享.

—————————–
本人就職於某間電訊公司的電話查詢熱線，鑑於每２０分鐘便有笑料一單，所以本人決定公諸同好，與大家分享～以下係近期較好笑的．．．

電：代表本人       問：代表查詢資料ｏ既戌利
 
1.劉更次電話 

電：你好, 電話查詢, 請問有咩幫到你?
問：我想查甜夢Ｋ劉更次電話．响甜夢o架
電：甜夢Ｋ係咪屯門區呀？
問：係囉．．．我要劉更次ｏ既電話呀！
電：劉更次係咪醫生呀？

問：唔係呀！佐野果ｄ呀．．．
電：佐野？　做野呀？(本人開始好唔耐煩．．．．）
問：咪係囉！　（佢都開始好唔耐煩喇．．）
電：咁係咪公司名呀？
問：唔係呀！！！！　佐野呀．．．
電：咁劉係咪劉德華個劉呀？
問：劉呀！！！　唔係劉德華個劉呀！！
      （妖……………）
電：咁更係咪更改個更呀？
問：唔係呀．．．．．劉更次呀．．．你係咪鄉趕人ｏ黎架？
      （本人真係火都ｏ黎埋, 我係但肯定你唔係）
電：係咪政府部門呀？（語氣變差）
問：係呀．．．．宏工佐果ｄ呀．．．．
電：你等等啦．．．
      （本人苦思20秒後終於諗到喇!）
 
原來佢要搵ｏ既係．．．．．．．
   
勞工處！！！！　真係眼都反埋．．．
   
2.嬌記五金電話 

電：你好, 電話查詢, 請問有咩幫到你?
問：我想搵嬌記五金電話！
電：請等等．．．．唔好意思，無登記喎！
問：無理由架．．．嬌記喎！
電：請問嬌係咪嬌俏個嬌呀？
問：咩呀！嬌咪嬌囉．．．．嬌呀！！！！
電：唔好意思，請問係邊個嬌呀？
問：．．．嬌呀．．．．．．嬌矮個嬌囉！！！
電：啊～～～嬌～～～矮個嬌呀．．．請等等啦！！
      （頂．．．又話嬌．．．高就高啦．．．亞叔！）　
電：呀腥新，記低高記五金電話啦！

3. 牛頭唔搭馬咀形

本人: 你好, 電話查詢, 請問有咩幫到你?
亞嬋: 唔該豐明銀行呀!
本人: 請問要邊區呢?
亞嬋: 有邊區呀?
本人: 有銅鑼灣, 中環, 尖沙咀, 屯門
亞嬋: 咁要元朗啦!
本人: 小姐, 唔好意思, 無元朗區喎!
亞嬋: 吓? 咁有邊區呀?
本人: (頂…又講多次)  係有銅鑼灣, 中環, 尖沙咀, 屯門嘅
亞嬋: 咁元朗呢?
本人: (你老闆吖, 本人唔想再拖)  小姐, 無元朗區架, 或者比最近嘅屯門分行你啦
亞嬋: 唉…咁麻煩架, 是但喇!
本人: (咁唔願意唔好要嘛)   係, 請記低號碼….

4 鄉音未清形

本人: 你好, 電話查詢, 請問有咩幫到你?
亞伯: 唔該蓮學疆屍呀!
本人: (已經想笑)  唔好意思, 係咪蓮花個蓮呀?
亞伯: 唔係呀, 蓮學個蓮呀!
本人: (妖…講咗等如無講)  咁係咪學年掉返轉呀?
亞伯: 都話唔係咯, 呢…..蓮學航空嗰個蓮學呀!
本人:（頂．．．）  聯合呀???
亞伯: 咪係囉!
本人: (仲覺得自己啱)  咁請問疆屍又係咩呢?
亞伯: 一間間嗰d疆屍呀!
本人: (本人被激得半死)  哦! 公司吓話?! 請記低號碼啦….
 

5 鄉音未清形

本人: 你好, 電話查詢, 請問有咩幫到你?
亞嬋: 唔該要徐若瑄電話呀!  喺交易廣場架!
本人: (猛抓頭皮. 徐若瑄嚟咗香港咩???)  小姐, 請問係私人定公司電話嚟架?
亞嬋: 唔係呀! 係酒家嚟架!
本人: (酒家??? 本人靈機一觸)  係咪翠玉軒呀?
亞嬋: 係呀, 唔該!!
本人: (笑到面都紅埋)  請記低號碼….

6 私自翻譯形

本人: 你好, 電話查詢, 請問有咩幫到你?
亞叔: 唔該觀塘區嘅愛迪特呀!
本人: 請問係咪愛心個愛, 超人迪加個迪, 特別個特呢?
亞叔: 係, 無錯!
本人: 唔好意思, 無呢個名登記喎!
亞叔: 無理由喎, 好大間公司嗰喎!
本人: 先生, 咁或者有無英文名架!
亞叔: 有, 我串比你聽, 係 A….D….I.…D….A….S
本人: (唉….一早講啦)  哦! Adidas呀! 請記低號碼….